Immigrasiepraatjies is gevaarlik

Aung Kyi (Nobel Vredesprys 1991) het gesê "fear is not the natural state of civilized people."

Dit lyk ongelukkig vir my asof "fear" deesdae die "natural state" van alle mense in SA is!

Afgesien van die ooglopende vrees vir die moord en doodslag, wat nou 'n "normale" verskynsel in SA is, is daar ook die vrees dat enigiemand sal weet of jou sal verdink daarvan dat jy wil immigreer.

Lyk my die paar woorde wat deesdae in SA die meeste vrees by SAners inboesem is BEE (Black
economic empowerment) en IMMIGRASIE!

Dit wil voorkoom as iemand weet, of net vermoed, dat jy wil immigreer uit SA dan is jou lewe om en
gebeur daar vreeslike goed met jou soos geen bevorderings of selfs ontslag.

Die rede hoekom ek so sê is omdat ek ongelooflik baie terugvoer en e-pos van my webwerf af kry waar mense vra dat ek nie hulle name moet noem nie of waar hulle onder skuilname skryf van
webmail-adresse af. Dis so asof hulle onwettiglik 'n pornografiesewebblad besoek het in plaas van 'n immigrasiewerf.

'n Onlangse geval het dit by my tuisgebring hoe gevaarlik die kwessie van immigrasiepraatjies in SA is.

 
'n Dame het 'n paar weke gelede van my webwerf af vir my 'n e-pos gestuur met navrae oor immigrasie en so het haar e-posadres op my databasis beland en toe ek my nuusbrief uitstuur oor die werksoek-toere na NZ het sy ook 'n nuusbrief gekry. Die nuusbrief was ongelukkig na haar werk se e-posadres gestuur ,maar darem na haar eie posvouer.

In plaas daarvan om net die e-pos met die nuusbrief uit te vee, loop gooi daai dame 'n tantrum wat skrik vir niks en moer nie net haar speelgoed uit die kot uit nie, maar loop gooi die hele kot om!!

Sy skryf vir my 'n e-pos in HOOFLETTERS (wat op gil neerkom in e-posetiket) dat ek haar nie moet
"spam" nie en nooit weer sulke pos na haar moet aanstuur nie, want sy het nie daarvoor gevra nie en wil dit nie hê nie en sy noem dit pertinent dat sy nog NOOIT aan immigrasie gedink het nie en dit NOOIT sal oorweeg nie (amper stuur ek toe haar e-pos vir haar terug oor haar immigrasie-navrae net om haar gedates so effens te verfris!). MAAR dit was den einde niet! In plaas van om in stilte te protesteer oor my nuusbrief stuur sy haar histeriese briefie aan al die bestuurders en direkteure in die maatskappy om hulle net daarop te wys hoe "lojaal" sy is - net ingeval hulle dalk my nuusbrief op haar rekenaar sou kry.

Ai, laat my dink aan daai storie van die mossie in die mis en die valk.....................

As die bestuurders en direkteure in haar maatskappy net 'n halwe brein het sal hulle net moet dink - The lady doth protest too much, methinks!!

Anyway ek het baie simpatie met haar en ek het die boodskap gekry: IS LEWENSGEVAARLIK OM OOR IMMIGRASIE TE PRAAT IN SA!!

Een van die direkteure het nou vir my geskryf en sy CV aangestuur! Hy kom op een van die eerste
toere volgende jaar.

Dankie vir die besigheid Da........!!

Groetnis.